Безнең мәктәптә бик күп мероприятияләр үткәрелә. Шуларның берсе - Көзге бал. Ул көзнең иң матур чагында үткәрелә. Бу бәйрәмнәргә әзерләнү ике атна алдан башланып китте, чөнки көзге бал безнең өчен бик зур роль уйный. Көзге балда үзебезнең мәктәп уңганнары биюләре, җырлары, уеннары белән чыгыш ясадылар. Барлык укучыларның да чыгышлары искиткеч булды. Барлык класслардан да "Сөмбеләләр” тәкъдим ителде, әлбәттә аларның барысы да күз явын алырлык гүзәл һәм сокландыргыч иделәр. Сөмбелә чибәрләрнең барысы да үзләренең зәвыклы киемнәре һәм сәләтләре белән бер-берсеннән аерылып торалар иде. 2009 ел сәламәт яшәү рәвеше һәм спорт елы булганга күрә үзләренең киңәшләрен бирделәр, гомумән әйткәндә үзләрен бик уңган яктан гына күрсәттеләр һәм барысы да беренче урынга лаеклы дип табылдылар. Кичәнең икенче өлеше дискотека иде, бәйрәм безгә бик тә ошады!
Йосыпова Миләүшә, 9 класс |
