Яңа ел ни вәгъдә итә - 29 Декабря 2009

Без һәр елны киләчәккә өметләр баглап, борынгыдан килгән йола буенча бәхет һәм шатлыклар гына китерсен өчен, зур сөенеч-куанычлар белән каршы алабыз. Ә Яңа ел бәйрәме рухын безгә әлбәттә иң элек яшел чыршы, аңа өстәп шәмнәр-герляндалар, һәм һичшиксез эчкерсез елмаю бирә. Шушыларны үтәгән вакытта иң күркәм, иң самими бәйрәмнәрдән саналган Яңа ел кичәсенең кабатланмас, истәлекле хатирәсе хәтердә озак сакланыр. Шуңа күрә яңа елны онытылмаслык итеп каршы алырга, ә аның сихри матурлыгын ел буена сузып яшәргә тырышыгыз. Чөнки яңа елның һәр 365 көнендә күктә һәм җирдә Юпитер патшалык итә. 2010 ел – Ак юлбарыс елында бик күп изге теләкләрегез тормышка ашачак! Моңа бары тик ышынырга гына кирәк!